सोमबार, चैत्र २४, २०७६
www.samsararemit.com

गुम्बाबाट बुद्ध मूर्ति चोरी

शे–फोक्सुण्डो तालको किनारमा अवस्थित रिग्मगाउँको साङ्खे लामाको गुम्बाबाट सातवटा बुद्धमूर्ति चोरी भएका छन् । गाउँका मानिस र साङ्खे लामाका परिवार यार्चा टिप्न पाटन गएको मौका छोपेर चोरले गुम्बाको मूलढोकासहित भित्रका चारवटा ढोकाका मिरो उखेलेर मूर्ति लगेका थिए ।

स्थानीय आङबहादुर लामाका अनुसार यी मूर्ति सयौं वर्ष पुराना हुन् । चोरी भएकामध्ये एउटा साढे एक फिट अग्लो र अन्य ६ वटा मूर्ति सानो कदका भएको उनले बताए ।

डोल्पाका प्रहरी प्रमुख डीएसपी हरिप्रसाद शर्माले गुम्बाबाट ऐतिहासिक बुद्धमूर्ति चोरी भएको जानकारीमा आएको बताए । गुम्बा शे–फोक्सुण्डो राष्ट्रिय निकुञ्ज क्षेत्रभित्र पर्ने भएकाले प्रहरी इकाई नभएकाले जानकारी आउन ढिला भएको उनको भनाइ छ ।

कृपया तपाईंको टिप्पणी र समीक्षा पोस्ट गर्नुहोस

तपाइँको इमेल ठेगाना प्रकाशित गरिनेछैन।

*

फेसबुकबाट तपाईको प्रतिक्रिया