बिहीबार, श्रावण २, २०७६
www.samsararemit.com

१७ हजार मान्छेे मारेको भन्दै प्रचण्डविरुद्ध अमेरिकामा उजुरीः उतै पक्राउ पर्लान त ?

नेकपा अध्यक्ष तथा पूर्वप्रधानमन्त्री पुष्पकमल दाहाल प्रचण्डविरुद्ध अमेरिकामा उजुरी दिइएको छ । अमेरिकास्थित केन्‍टुकी विश्विविद्यालय फ्र्यांकफोर्ट केवाईका अनुसन्धान सहायक तीलबहादुर श्रेष्ठले संघीय अनुसन्धान ब्यूरो बाल्टिमोर, एमडीमा प्रचण्डविरुद्ध १७ मार्चमा उजुरी दिएका हुन् ।

उजुरीमा प्रचण्डलाई आतंककारीको संज्ञा दिइएको छ । उजुरीमा भनिएको छ, “आतंककारी पुष्पकमल दाहाल प्रचण्ड यही साता अमेरिका भ्रमणमा आउने जानकारी आएको छ । केही समयअघि उनी अमेरिकन आतंककारी सूचीमा थिए । उनले गरेको विद्रोहमा १७ हजारभन्दा बढी मानिसहरु मारिएका थिए । उनी श्रीमती सीता दाहालको उपचारका लागि जोन हकिन्स अस्पतालमा जाने बताइएको छ ।”

प्रचण्ड अमेरिका पुग्नुअघि नै उनले उजुरी दिएको पाइएको छ । उजुरीमा आतंकवादविरुद्धको अमेरिकन नीति , नैतिक मान्यता, आन्तरिक र अन्तर्राष्ट्रिय कानूनी मान्यताहरुका विषयप्रति ध्यान दिन आग्रह गरिएको छ । उनले उजुरीमा भनेका छन्, “मलाई कहाँ उजुरी गर्नुपर्छ भन्‍ने विषयमा थाहा छैन । कृपया सम्बन्धित निकायमा पठाइदिनुहोला ।”

प्रचण्ड श्रीमती सीता दाहालको उपचारका लागि १७ मार्चमा नै अमेरिका प्रस्थान गरेका थिए । यसै बीच प्रचण्ड विरुद्ध उजुरी परेपछि अब उनि उतै पक्राउ पर्ने हुन् की भन्ने आशंका भएको छ ।

कृपया तपाईंको टिप्पणी र समीक्षा पोस्ट गर्नुहोस

तपाइँको इमेल ठेगाना प्रकाशित गरिनेछैन।

*

फेसबुकबाट तपाईको प्रतिक्रिया